Nú fer undirbúningur fyrir markaði haustins að fara að stað. Markmiðið er að taka þátt í Jólailmi í Hofi sem verður haldinn þann 22. nóvember. Og svo verður markaður einungis fyrir handverksfólk í Hörgársveit sem haldinn verður á Melum. Snældur taka auðvitað þátt í því. Svo er draumurinn að taka þátt í einum eða tveimur mörkuðum á ráðhústorginu í desember. Svo það er mikið og margt sem þarf að huga að. Eins og hvað eigi að hafa á mörkuðum. Í Hofi í fyrra vildi fólk geta keypt af mér stök dýr og ég ætla að reyna að verða við þeirri ósk, svo það verður spennandi að sjá hvort það hitti í mark :) Eins er ætlunin að vera með nóg af skarti, eyrnalokkum og þess háttar. Og svo jólatrésskraut. Best að vera ekki með of mikið eða láta metnaðinn hlaupa með sig í gönur. En hér eru myndir af jólatrésskrauti sem við erum byrjuð að vinna að og er tálgað úr greinum sem falla til við snyrtingu á garðinum á Brúnastöðum.
